2022 TopGear Awards的大獎Car of the Year得主為Mercedes-Benz EQE 350+，是時候趁此機會進一步了解EQE以至AMG及其他電動車的各種機密。

問：EQE在德國共有300、350、500、AMG 43和AMG 53多級型號，香港先行引進350和兩款AMG的原因是甚麼？
答：我們因不同的巿場需要而引入車款，EQE 350+比較着重舒適乘坐感，而兩款AMG型號就能提供不同駕駛樂趣。

問：SUV大行其道，平治也有EQA、EQB和EQC等型號供應，房車型態的EQE對他們來講有何特別吸引力？
答: 相信無論是任何型號，平治吸引大家的少不得是一向所提供的頂級駕乘體驗和造工質素實在難以取代。至於EQE這個仿如EQS的One bow design是電動車專用的設計，超越一般三廂式房車型態，也是它的亮點之一。

問：EQE和EQS的設計語言與其他的Mercedes-EQ系列以至傳統引擎車不盡相同，線條比較圓渾及具科技感，這是否平治未來電動車的造型新方向，還是只限於房車類型號？
答：平治電動車系列現包括EQA、EQB、EQC、EQE、EQS、EQV和eVito，涵蓋豪華房車，七人MPV、SUV甚至客貨車，Mercedes-EQ系列對於各車系均會採用不同的處理手法。最新推出的EQS SUV和EQE SUV以EVA2純電動車底盤作基礎，將會是新一代電動SUV的設計方向。

問：AMG近年出產的引擎車大受讚譽，並且成功將AMG版與常規版的角色區分。引擎調校及「One man, one engine」是AMG的特色之一，唯電動車沒有引擎、傳統波箱和排氣聲，AMG在未來還有甚麼發揮空間？
答：AMG的強項並不限於引擎。AMG將會全面配合集團電動化目標推出更多高性能型號，EQE兩款AMG版正是其中的例子。在電動車型號上，AMG在摩打表現、底盤調校、懸掛、制動、電池冷卻、熱能管理、聲效以至操控能力等範疇，都會作出特別調校，而現時AMG亦正開發電動車專屬的底盤。

問：大量電動車新型號引入香港，維修中心的軟硬件以至技師訓練等方面，有何需要配合的地方？另外電動車的電池更換服務現階段能否在香港完成？
答：我們已為維修中心的技術員提供電動車維修的特別培訓，也購置更多專用設備，而電動車所採用的大量專用零件亦已準備了充足供應，各應用軟件更是和德國同步更新。

問：平治香港對於本地電動車充電網絡和設施有何發展策略？
答： 過去一年多，我們在山頂廣場、家樂商場、淘大廣場、康怡廣場、友邦廣場設立五個電動車充電站及十七個充電器，供Mercedes-EQ車主使用。在2022年底，我們更在尖沙咀中間道 H Zentre設立備有八個充電器，包括首個提供快速充電服務的公眾充電站。今後我們會繼續在不同地區擴展充電網絡，亦會為家用充電器提供更多選擇。

原文來自《TopGear極速誌》 2023年2月 第173期

The post TopGear Awards interview 2022<br/>Mercedes-Benz：由得獎EQE到AMG及未來電動車 appeared first on TopGear.

現時全球汽車界都患上SUV大流行症，電動車市場有唔少SUV選擇，反而純電行政房車就好少見。相信都有好多人關心今次平治EQE來港，速讀班正式開課。

平治電動車嚮香港有咩揀？

先睇返平治喺香港嘅電動車家族，成員已經慢慢齊腳，SUV型態有EQA、EQB、EQC三款，豪華房車有上年到港嘅EQS，商用車有eVito啱啱出爐。今次主角EQE係繼EQS之後，第二款建基於EVA2電動車專屬模組底盤嘅型號，呢個底盤係真真正正由零開始專門為電動車而開發。

EQE點解個樣同E-Class好唔同？

既然EQE車頭冇咗副引擎，再加上用全新EVA2電動車專用底盤，如果造型跟返E-Class或傳統房車未免太守舊，仲浪費咗好多車頭空間。EQE將傳統方正及長車頭房車外形改變，短短前懸及圓潤車頭幫忙減低風阻之外，未來感嘅跑味順手增加。細心留意下，EQE車尾裝有尾翼，19-21吋車鈴同車身闊度一致，全部都係跑味嘅來源，同時間車身駁口減少，呢種Sensual Purity進一步令外觀更加簡約。

行入車廂，裏面嘅設計都好cyber，成個內櫳呼應車外嘅流線造型，有個長長得嘅出風口橫跨成個錶板頂部，而錶板兩端嘅額外出風口更以噴射筒形狀呈現。簡單來講，EQE嘅設計向前看，唔鍾意食老本。

香港有咩規格揀？

嚟香港嘅主力型號係一換一$768,000起嘅EQE 350+，後輪驅動嘅摩打輸出最大292匹馬力、57.6kgm扭力，90kW電池可以提供654公里續航力（WLTP），係業界少見嘅數字。續航力有6字頭的原因之一係設有三個程度動力回收，Eco Assist模式按當時駕駛情況自動調校最理想嘅回收幅度。

香港馬路淺窄，建議大家可以加option升級到四輪轉向，進一步將迴轉直徑由12.5米減低至10.7米，轉向同一般小型房車一樣輕鬆。

商務使用之餘又想放假爽下，香港仲有性能更高嘅EQE 43 AMG，一換一$1,398,000起。四驅嘅佢可以輸出最多476匹馬力、87.5kgm扭力，0-100 4.2秒搞掂，完全係高性能房跑嘅級別。續航力就比EQE 350+低少少，但都有530公里。

點算一下標準設備先

車長接近5米，車身尺寸同CLS相約，但因為工程師善用電動車空間，車廂長度多過今代W213系E-Class 80mm，前座肩部空間多27mm，腳位落喺E-Class同S-Class之間。

EQE配備最新版本MBUX，有好多user-friendly功能，例如香港路面繁忙，零層功能（Zero Layer）就可以根據情況同環境以最優先嘅方式將最重要嘅應用程式放喺視線範圍內，行車時操作比較快捷安全。

EQE有好多超出唔少傳統汽車嘅體驗。特別一提Burmester環迴音響系統，EQE有兩套Silver Waves同Vivid Flux聲效，等大家操作唔同汽車功能時會有唔同主題嘅聲音——Silver Wave柔和簡潔，Vivid Flux係清脆得嚟溫暖嘅合成聲音，因為車廂真係好靜……

香港馬路又嘈又爛，會有幾靜幾舒服？

EQE將豪華房車嘅舒適性推到另一層次，前四連桿，後多連桿懸掛設計，設計同新S-Class相近，仲可以加option嘅 AIRMATIC氣壓避震，包含ADS+主動吸震系統，乘坐時更感舒適。

隔音其實都一樣，EQE研發時特別重視NVH（noise/vibration/harshness）控制，傳動系統同車身之間有彈性承軸分隔，車架仲加咗特製物料減少傳動系統嘅震動同噪音，務求將摩打、車底甚至車外傳到車廂嘅四方八面震頻滅絕。

全線EQE車系由德國廠房生產，既有EQS打頭陣，EQE呢部中型電動行政房車大有可能為呢個市場建立全新標準。

了解更多：bit.ly/3NkFI0m

The post 平治EQE來港速讀班 appeared first on TopGear.