大家是否覺得雷諾新5電車好靚呢？但是香港沒代理怎算好？不打緊，日產可以幫到你，因為新一代Micra就是由雷諾5「改裝」出來。事關，日產昨日（21號）正式發佈第六代Micra（即港版March），如外間所料新車採用雷諾CMF-B底盤，跟雷諾5和剛推出的4一樣，三款都屬於兄弟車。不過，外觀就各自各發展，新Micra就由日產於歐洲的設計中心（NDE）負責，所以看起來「三兄弟」不太像樣，Micra的外表比較可愛，頭尾燈都採用圓形設計，尤其頭燈以圓形LED燈將長方形頭燈圈起來，造型十分有喜感，相信會得到不少人歡心。
至於尺碼方面，新車粗算太大部，長不到4米、闊又低過1.8米，但輪距就有2.54米，令車櫳得到唔少實用空間。不過，這些都不是重點，重點是新車好輕，細電版（40kWh）只是重1.4噸，大電（52kWh）亦不過1.52噸，所以續航表現相當理想——前者有308公里（122匹馬力及225Nm扭力），後者則達408公里（150匹馬力及245Nm扭力）。新車預計年尾就會於歐洲開始生產，未知何時會逆輸入至日本，如果香港都有就好，起碼多個日本小電車選擇！
