無錯，又是講Prelude，原因今日（5日）正式在日本開賣，普通版售價約33萬港元（617萬日圓），網上Honda ON限量黑頂白身雙色版就賣大約34萬港元（648萬日圓），而且更可以「先租後買」，可以在當地部份showroom租賃Prelude玩一轉，不過首先要有日本車牌。至於動力組合就是2公升混能引擎：141匹馬力及182Nm扭力＋摩打184匹馬力及315Nm扭力，搭e-CVT波箱加S+ Shift掣：用撥片「數到」8個波段兼有模擬聲效。聽到這裡，大家是否覺得廠方應該要追加Type R版Prelude先夠喉呢？那麼⋯⋯加埋無限包圍的六代又得唔得？有齊頭尾擾流、裙腳、定風翼、碳纖鏡殼，以及BBS鍛造19吋輪圈，又如何？抑或，還要Prelude Type R呢？
