剛剛於北京車展首展的MINI Aceman，今日（22日）就在荃灣專店現身，當日於北京太多人逼唔到入去睇，而家終於可以近距離見到真身（雖然是左軚），車身size一如之前同事去葡萄牙試新Countryman時，設計師話Aceman尺碼「回歸」至首代Countryman一樣，長度僅為4米（闊1.7米高1.5米），剛好填補三門Cooper同五門Countryman之間的位置，亦即是後生時買Cooper，結婚就換Aceman，有了小朋友之後就直上Countryman，MINI是否好貼心呢？今次展出的Aceman配54.2kWh電池包，換取到218匹馬力及330Nm扭力，續航有406公里，不用33萬的車價，預計9月可以交車。未知今次叫價，能否於目前眾多同類型五門掀背電車中跑出？
同場加映
另外，同場展出右軚版Countryman SE，黑色車身配銅色車頂，顏色配搭好吸引，據知首批預訂買家好快就可以收車，不知幾時有得安排試車呢？同事於葡萄牙試車時講到好鬼好玩。
