Toyota GR Supra還未有得食，暫未可以試車，分分鐘給BMW Z4先上。但起碼有得摸下睇下，今次編輯就站在現場給大家介紹一下。 另外還有多幾句補充：
1. 現場所見， GR Supra靚過上鏡。有不少大刀闊斧的線條，與一般跑車不太相同。簡單講，有味道但又不太誇張，出街回頭率應該超高。
2. 售價$798,000，對家Z4 M40i賣$825,000，開篷比較貴屬於正常。至於Supra暫時只得六缸，Z4就有埋直四，Z4 20i賣$599,000，不知大家怎樣選擇，可以留言討論。
3. 何解叫GR Supra而非Supra？因為它由Toyota Gazoo Racing賽車部負責，GR鬥車之外一直兼營日本限定改裝車，今次算是第一次有量產車進軍國際。