代理剛剛在本地發表了新一代鈴木Swift，不過大家可能會有點失望，因為首批引入的是Booosterjet 1.0Turbo版，而且是自動波，辣椒迷可能會覺得唔多夠喉喎！
大家先不要失望，希望在明天嘛！我們收到風，更強嘅正宗辣椒仔1.4Turbo六速手波版Swift Sport大約今年年尾到港，大家係時候儲定子彈入貨啦！
Swift Sport有140ps輸出，在1.4高性能車仔級別中絕對合格，但玩得辣椒的你，相信不甘心於此吧？
辣椒的底子本來就是一塊好材料，提升性能的空間極大，就正如專注鈴木改裝的日本Monster Sport自從去年新車推出後，已有不少提升性能的配件應市，當中由車身配件，動力提升套餐至底盤強化裝置都有提供。這類配件在接受訂造的整車套餐中全部有齊，而且還會陸續有來，總之改到你手軟為止。套餐分為街道Sports 版及專門針對Gymkhana、Dirt Trial及Rally賽例的競技版共六個組合，套餐由街道入門版的203.4萬到Rally版的335.8萬日圓，平有平玩，貴有貴改。
講咗咁耐，到底新辣椒可以提升到幾多？落足料的話，現階段可上到190ps。咁細架車仔夠玩啦！
P.S. TopGear編輯部剛試完新辣椒仔1.0版，試車報告下期書有得睇喇！
有請Monster Sport總工程師渡邊洋幸詳細解說：
