上次同大家講完買全保嘅小知識後,有個客仔即刻打電話嚟串我,話買保險幾精明都冇鬼用,因為出事後整車錢點claim都claim唔足,因為啲保險公司會搵公証行落嚟車房,將份整車報價單左cut右cut,再扣埋墊底費同折舊,下年續保又有可能要cut NCB,總之就冇着數嘅!所以唔好撞車就最好。冇錯,佢真係一?都冇講錯,但係鬼唔知阿媽係女人咩!但點都好,我都要喺度更正一下佢所講嘅嘢,首先,保險公司唔一定會cut走個客啲NCB嘅,如果claim嘅錢唔多,過往一直紀錄良好兼且又係舊客仔的話,有時都會有得傾?!至於佢話整車一定蝕,我就話未必啦!好視乎係咪返廠整,又或者個車房佬同你夠唔夠老友啦!返得廠整撞車claim唔足就一定?,因為冇得同你走盞,郁啲啲花小小都會成件parts換咗去,條數報得愈大,折舊完就蝕得愈甘,但返得廠整車嘅客,又點會計校呢啲小數目呀,佢哋最緊要整得好同埋整得靚部車就得,就算有埋撞車紀錄都冇所謂,之不過有啲精明?車主就會搵間相熟車房,再花啲時間自己上網搵原廠件俾車房整,分分鐘連墊底費都慳埋,我就試過有個客仔好彩到你唔信,佢撞咗部Golf車頭,要換頭泵把、鬼面罩同埋射燈2枝,check咗料錢都要近$15,000,仲未計噴油$5,000加裝拆人工$2,000,加起嚟埋單就要$22,000,最後經過保險公司扣咗墊底$3,000同埋折舊$3,500,實則賠得$15,500,由此可見撞車claim保險確實係冇着數嘅!